«Спомний собі Лемку» – Параскєва Бреян про выгнаня в 1947 році – понедільок, 21.00 год.

Днес в «Спомний собі Лемку» будеме продолжати бесіду з п. Параскєвом Бреян, котра народила ся в 1924 році на західній Лемковині в селі Ізбы. Єй богате жытя єст причыном того, же редакция лем.фм провела з ньом пару годин награнь, котры тепер можете чути в ефірі нашого радия.

Днешній проґрам буде такой заверышньом споминів п. Бреян. Дотепер чули сме уж про жытя на Лемковині, выізд на Совітску Украіну в 1940 році, ци лаґєр Явожно (де был поневолений єй муж). Послідня част бесіды то оповіданя о насильным выгнаню Ізбян в 1947 році і оселіню на західніх землях Польщы, в околицях Ліґниці. Хоц то остатній одтинок з циклю бесід з п. Параскєвом,  надієме ся, же на другій рік іщы завитаме до Вас з нашым гостьом. Наконец сой кус поспіваме. 

За тыма мотузками (част І і част ІІ) можете прочытати спомины Параскєвы Бреян, котры остали списаны Анном Рыджанич, а пак печатаны в Православным Перегляді.

«Спомний собі Лемку» то проґрам, в котрым можете почути цікавы річы про минуле, про рідну Лемковину, але і жытя на чужыні. Інтервю ведены молодым чловеком, дают надію старшым його бесідникам на ліпше заран для лемківского народу.