«Слово» – Перша постна неділя – неділя, 9.00 год.

З Божой благодати сьме пережыли першый тыждень святого посту. Нашы літурґічны книгы указують нам великость, хосенность того святого часу. Хрістіаны собі оддавна цінили тот святый час. Прото діявол ся старав його знечестити, як нам о тім говорить перша субота і чудо мученика Теодора Тірона, котрый ся появлять єпіскопови міста Константінопола і наказує, абы люди не куповали ніч із торгу, але їли варену пшеніцю із медом. А перша неділя в євангелію о стрічі Ісуса з Філіпом і Натанаілом нам припоминать тоту основну правду, же Бог видить вшытко, што одбывать ся не лем в нашых ділах, но і в нашім сердці. Же Він видить як мы ставляме ся ку тому сятому часу. Ці постиме лем про людьске око, нещіро, або в правді, або вонкашньов стриманостьов приближыти ся ку Хрістови, котрый є Правдивый Месія, Спаситель, котрый про нас став ся чоловіком, жебы нас зробив учасниками свойой небесной славы. Памйатайме на тото, коли вступуєме до друго тыждня того святого часу.

В неділю, 13. марця 2016 р., о 9.00 год. проґрам «Слово», котрий реалізує єромонах Маркіян ЧСВВ. Повторіня 13. марця о 12.00, 15.00, 20.00 год. і 14. марця о 2.00, 8.00 год. за русиньскым часом.

ТЕКСТ НАПИСАНИЙ В ПРЯШІВСКЫМ СТАНДАРДІ РУСИНЬСКОГО ЯЗЫКА