Неділя сліпого – неділя, 09.00 год.

Ісус Хрістос выздравлять сліпого од народжіня. Кідь ся ученикы звідують на гріх його ці його родічів, Ісус одповідать, же на нім ся мають выявити діла Божы. Тоты діла Божы значіли тото, же через них указує своє Божество. Плювнув на землю, зробив болото і помазав очі. Тым указує, як на початку сотворив Бог чоловіка з пороху землі і вдыхнув му дых жывота. Так і теперь в малім на чаастині тіла указує, же є тот самый Бог Старого і Нового завітів. І тым выздравліньом дарує нелем тілесне здравя, но і одкрывать внутрішні очі. Подавать і внутрішнє світло познаня правого Бога. Бо на слова віриш в Сына Божого одповідать вірю і поконив ся. Ісус і нам адресує тоты слова. І нам хоче одкрыти нашы внутрішні очі, абы сме ходили у світлі а не в темноті. Лем кідь сьме з Ним, находиме ся у світлі. Кідь ся одлучуєме од Хріста через гріх, через привязаность ку земному, находиме ся в темноті. Прото і нам говорить: Хто мене наслідує, не буде ходити в темноті, але буде мати світло жывота. Ходьме в його світлі, жебы нас не обяла вічна темнота.

Хрістос воскрес!

В неділю, 5-го червця/юна 2016 р., о 9.00 год. проґрам «Слово», котрый реалізує єромонах Маркіян, ЧСВВ. Повторіня 5-го червця/юна о 12.00, 15.00, 20.00 год. і 6-го червця/юна о 2.00, 8.00 год. за русиньскым часом.

ТЕКСТ НАПИСАНИЙ В ПРЯШІВСКЫМ СТАНДАРДІ РУСИНЬСКОГО ЯЗЫКА

Фото: образ Ел Ґреко «Уздоровліня сліпонародженого». Жрідло Wikipedia.