Выстава образів Юстины Максимчак

Центр Культуры ім. Б. І. Антонича просит на вернісаж выставы образів авторства Юстины Максимчак – Лемкыні з Ґлоґова. Запрезентуваных буде більше як 10 образів, якых темом є автопортрет. 

Вроджена в 1982 році в Ґлоґові, Юстина Максимчак, в роках 2003-2007 студиювала в Державній Выжшій Заводовій Школі в Нисі, напрям і специяльніст: Консервация і реставрация мистецтва, Реновация забытків артистычного ремесла і архітектонічного деталю. Студиює Історию Мистецтва на Вроцлавскым Університеті і малярство на подипльомовых студиях на Акадаміі Красного Мистецтва в Вроцлаві (інфо за: artinside.pl).