Медженародове Зґрупуваня „Европа Молодых – Европа Миру”

Воєвода Малопольскій, Стоваришыня Вілла Дециюша, Ягайлоньскій Університет і Педаґоґічний Університет просят на Ден Народовх і Етнічных Меншын, орґанізуваний в рамках Медженародового Зґрупуваня Европа Молодых – Европа Миру.

Ден буде проходил 4. серпня т.р. в Дворі Єжів к. Бобовы і в самій Бобові. Буде то нагода до стрічы з інчыма культурами і пошыріня свого історичного знаня. В проґрамі є звиджаня жыдівскых місц памяти, дошлідничы прелекциі, почастунок, рукодільны варштаты і выступы меншыновых ансамблів. Лемківску культуру репрезентуют др. габ. Олнена Дуць-Файфер і ансамблі Терочка і Бурян.

Медженародове Зґрупуваня Европа Молодых – Европа Миру орґанізуване є в сотну річницю початку І світовой войны цілью стрічы молодых люди і сотворіня плятформы знаня і історичной рефлексиі, выміны поглядів і досвідчынь молодых Европейчыків. Має быти імпульсом до гляданя одповіди на звіданя, як молоды Европейчыкы можут спільні формувати будучніст Европы без конечности стосуваня силы і поношыня жертв.
До участи запрошены остали студенты з Чех, Німец, Польщы, Росиі, Румуніі, Сербіі, Словациі, Украіны, Мадяр і Італиі.

Пониже презентуєме цілий проґрам подіі з 4 серпня.