Семінар карпаторусиністикы про Мароша Крайняка

Інститут Русиньского Языка і Культуры Пряшівского Університету в Пряшові просит на дальшый, уж 52. науковый семінар карпаторусиністікы. Темом першой тогорічной стрічы буде творчіст Мароша Крайняка, русиньского писменника з Пряшівщыны.

На семінарі, якій одбуде ся в найблизшу середу, 20. лютого/фебурара 2019 р. о 13.00 год. в засідальни Consilium maius Ректорату Пряшівского Університету, з выкладом до темы «К поетіцї творчости Мароша Крайняка» выступит проф. ПгДр. Марта Соучкова, к. н. з Інституту Словакістикы і Медияльных Студий Філософічного Выділу Прашівского Університету.

В рамках плянуваного семінару буде і презентация послідніх выдань з карпаторусиністікы.

Tворчіст близка Лемковині

Марош Крайяк походит з Вышньой Ядловой при Свиднику. Тепер жыє і працує в Братиславі. Скінчыл студиі в области соспільнoй роботы та Медженародову Школу Бізнесу. Занимат ся маркетінґом. В польскым тлумачыню на выдавничым ринку вказала ся серия называна по пілнічйній страні Карпат Лемківском Трилоґійом: Карпатія, Енторпія, та Інформация. Всітри номінуваны были до престіжной нагороды Анасофт Літера 2014 – найважнійшой літерацкой нагороды на Словациі та дальшых оцін. Проза того русиньского писменныка постерігана є за єдну з ориґінальнійшых в Европі.

Лемківска трилоґія то книжкы, в котрых автор роздумує над будучым Русинів не лем з його рідной Пряшівщыны, але його істория односит ся і до інчых русиньскых (і не лем) територий – Лемковины і Підкарпатской Руси та дальшых земель (м.ін. еміґрантскых пунктів як Братислава). Крайняк в своій прозі односит ся тіж до реальных героіх, часто знаных. Сут то  особы вміщены в сучасны та історичны подіі (напр. Енді Варголь, ци Теодор Ґоч), а выступлюют они попри інчых – выдуманых автором – героях і обставинах. Лемківска трилоґія то історийософічна аналіза близкого авторови світа. В послідній з трилоґій, Крайняк навязує і до Фльориньской Республикы.