Стріча до прoєкту Волонтерство Малопольского Інституту Культуры

На 31. липця/юлия того рока Малопольскій Інститут Культуры запрашат до Кракова на інформацийну стрічу, тыкаючу нового проєкту реалізуваного том же інституцийом. Волонтерство Малопольского Інституту Культуры, бо так звучыт його назва, то ініциятива, в рамках котрой волонтеры самы заплянуют і зреалізуют выдуману собом подію. Працівникы МІК-у не будут координувати іх роботы, а выступувати в роли порадників. Темом ініциятив, котры пропонує МІК, сут популяризация і розповсюджаня культуровой спадковины серед діти. Одкрываня, творіня і експериментуваня – то візия роботы над проєктом. На першій стрічы буде бесідувана думка даной подіі і зобраны першы деклярациі і дальшы терміны. Липцьова стріча буде мала выключні інформацийный характер, зато пристуніст не обліґує до участи в проєкті. Чысло місц є ограничене – першенство будут мати особы, котры возмут участ в першій стрічы.