Апостол – Томова неділя. Чытаня з Діл святых апостолів – неділя 11.00 год.

Чітаня з Діл святых апостолів

В тоты дні руками апостолів діли ся меджі народом знамена і многы чудесны діла. І вшыткы апостолы єдинодушно ся стримовали в Соломоновім притворі. З другых (людей) нихто не мав смілость придати ся ку ним, но народ їх прославляв. А вірующіх в Господа прибывало все веце, много мужів і жен. Іщі і хворых выношали на дорогы і клали на постели і ложка, жебы на дакотрого з них пала холем Петрова тінь, як тады піде (і так выздравили ся зо своїх хворот). До Єрусалима сходило ся много (народа) з міст коло нього і приношали хворых і мученых нечістыма духами — і вшыткы были выздравлены. І встав архієрей і вшыткы што з ним были — была то секта садукеїв — і повны зависти, поїмали апостолів і заперли їх вєдно до вязніці. Но ангел Божый отворив вночі двері вязніці, вывів їх і повів: «Ідьте, станьте до церькви і голосьте народу вшыткы тоты слова жывота.»

Апостол на неділі і свята в русиньскым языку выдало Общество св. Йоана Крестителя. Коректы до тлумачыня вводил екзарх пражского екзархату для грекокатоликів в Чешскій Республиці преосвященый владыка Іван Лавинець.

Апостол на неділі і свята мат імпріматур грекокатолицкого пряшівского єпархы, преосвященого владыкы Йоана Гіркы.

фото – wikimedia