Бескідник – пятниця, 11.00 год.

Бескідник. Так ся называт новий ґеоґрафічно-туристичний проґрам, котрий ведений єст Якубом Зиґмунтом в кажду пятницю од 11.00 до 12.00 год.

В пятницю, 30. марця 2018 р., в четвертым уж Бескіднику поіхаме глядати Бескідского Морского Ока, і не іде о тото в Татрах, а о тото, што ся находит деси близко Шымбарку в Низкым Бескіді. Пак Альбанія. Поіхаме до той балканьской державы дознати ся, чом на улицях сут самы мерседесы та чом в цілий Альбаніі выбудувано в роках 1945-85 аж 700 тис. бункєрів. А на гірску екскурсию підеме тым разом в Бєщады. До стрічы о єденадцетій годині!

В Бескіднику выбераме ся в подорож до секретных і незнаных місц в Карпатах та іхаме експлорувати і далекы закуткы світа. Што більше, дознаєме ся, яка буде хвиля в вікенд, та слухаме пропозициі на гірску екскурсию. А вшытко тото єст перемішане з музыком зо світа. Проґрам єст ведений в польскым языку.