Битва під Ґорлицями – прелекция в Кракові

Польскє Татряньскє Товариство Одділ в Кракові просит на прелекцию під назвом Битва під Ґорлицями 1915, яку выголосит др Дариюш Дильонґ. Стріча буде проходила 18. листопада о 18.00 год. в Кракові при ул. Юзефа 17 (ґалерия Вренґа).

Дариюш Дильонґ – то провідник, інструктор провідництва, татерник, публициста, автор вельох книжок і дописів о карпатскій тематыці.

Битва під Ґорлицями зачала ся в неділю 2. мая 1915 рока, о 6.00 год. од выстрілу 120-міліметровой кулі – был то сиґнал, на котрий вшыткы каноны, од польовых армат по тяжкы мінометы, отворили оген на росийскы позициі. На передполи Ґорлиц, од Жепєнника по Ропицю, зачала ся велика карпатска битва двох вельонародовых армій. Получены силы Австро-Мадяр і Німец штурмом взяли росийскы позициі, а битва была зворотным пунктом І Світовой Войны. Дослідникы зачысляют єй до найбарже траґічных і кырвавых боів в істориі І Світовой Войны.

Фото горі: wikipedia.pl