„Чом то…” / Веселых Свят!
Чом то…
Кєд ся яличка прибере –
Лісова красна пані,
Кєд мама ждут уж з Вечерьом,
По сіно ідут няньо,
Товди радости не сховаш,
На каждым чуєш кроку…
Чом то Рождество Христове
Лем єден раз до рока.
Кєд розстелена полонніст
Запахне жывым польом,
Кєд няньо голову склонят,
Свіча заблисне на столі,
Здути тя штоси готове,
Рознести ген, невроком…
Лем єден раз до рока.
А кєд уж руку протягнеш
По перший зубчык чеснку,
Кєд покін роду сой збагнеш
Великій, святий, небесний,
Уж товды неє моровых,
І загмлит слеза око…
Чом то Рождество Христове
Лем єден раз до рока.
Петро Мурянка
Вшыткым хоснувателям радия і порталю лем.фм, котры тепер святкуют великій праздник Різдва Христового,
желаме радости і веселости та благодати од Новонародженого Христа!
желаме радости і веселости та благодати од Новонародженого Христа!
Христос Раждаєт ся! Славите Його!
Ґорлиці 106,6 MHz
Наш порталь можете чытати чысто дармо, але кєд маш охоту - можеш нас спомочы. Буде нам барз мило!
Жебы спомочы нас даком вплатом, без ниякых зобовязань, втисний притиск або зоскануй код QR.
Nasz portal jest darmowy, nie mamy (i nie chcemy) na nim reklam. Jeżeli masz ochotę - możesz wesprzeć naszą codzienną pracę.
Aby wspomóc nas jednorazową wpłatą, bez żadnych zobowiązań, kliknij przycisk lub zeskanuj kod QR.
