Потягом на Лемковину

Як дознала ся редакция лем.фм+, на Лемковину приіхают потягы. Значыт – вернут на ґорлицку стацию, котра лучыт рідний край з цілым світом.

Отже, од 13. грудня т.р., до Ґорлиц західнякы будут мочы іхати через Краків. А тоты, што жыют в централи, можут сой поіхати на Лемківску Русь просто з Варшавы. Тоты, што ім ближе ґу Креници, тіж ся гын достанут. Гейбы, до Крениці од 2010 р. не могли сме іти, бо деси во світі міст зорвало, же уж можеме – значыт міст направлений. Но, і на конец – тоты, што люблят східню Лемковину – і гын буде мож піти. А вшытко єдным табором! Лем сой сядте до доброго ваґона, бо част не поіхат дале, як лем до Ґорлиц.

Лемківска молодіж – будуча інтеліґениця, тіж заіхают на своі університеты. Колиси бурсакы по школіню в Ґорлицях лем на потяг мусіли іти, жебы пак іхати до світа. Днес, не лем бурсак годен тото довершыти!

Основне є єдно – на Лемковину мож зас іхати не лем автом, або автобусом, але тіж потягом. Пізрийте на розписку.

Запрашаме – кєд уж придете на ґорлицку землю – зазрийте до нашой Руской Бурсы.