Два конкурсы лемківской писанкы в Монастырисках

29 марця 2015 рока, в Монастырисках на Украіні буде проходил “Дітячий конкурс ЛЕМКІВСКОЙ ПИСАНКЫ”. Початок конкурсу о 11.00 год. в “лемківскій світлици”.

До участи сут запрошены ученикы загальноосвітных шкіль, здібна молодіж, як і каждий, хто буде мал дяку долучыти до конкурсу. Просьбом орґанізаторів єст, жебы участникы в міру можливости пришли на стрічу в вышываных кошелях. Орґанізатором сесой подіі єст Молода Лемківщина.

Выграны в “Дітячым конкурсі ЛЕМКІВСКОЙ ПИСАНКЫ” будут мочы взяти участ в областным конкурсі “Лемківска Писанка“, котрий буде проходил 4. квітня 2015 рока в Монастырисках. Подія буде мала місце на тамтышнім ватряным поли і буде тырвала од 12.00-15.00 год.

Орґанізаторы передвидуют в проґрамі вступне слово Александра Венгриновича, презентацию писанок творців з  Борщева, Чорткова, Тернополя, конкурс на найгардшу писанку (в жырі ― Ігор Дуда, Лілія Плахтій, Михал Тиханьскій), як і выступ дітячого ансамблю „Ґречні фраїрки”.