Франц Кафка – Америка

В пятницю 12. грудня 2014 рока, в Театрі Александра Духновича в Пряшові мож было позерати премєрове представліня на основі текстів Франца Кафкы, зобраных в томі пн. “Америка”. Є то николи нескінчена автором повіст, в котрій оповідат про подіі німецкого еміґранта з Европы до новой землі. Сам Кафка николи в Америці не был, а описаны американьскы реалиі сут лем авторскыма уявами про новий світ.

Режысером пряшівского представліня єст Благо Угляр, а до русиньского языка текст переложыла Яна Трищіньска-Сива. Драматург Міхаеля Закутяньска. Головну роль Кароля Россманна грат Михал Куцер.

На фото: Михал Куцер (в середнині), Владо Ладоміряк і Михал Ільканин.