Ґеолоґічны варштаты в Рускій Бурсі – ІІ стріча

Чым ся ріжнит пісок од пісковця? На тото і вельо інчых інтересуючых звідань буде мож почути одповід на другій стрічы, яка пройде в рамках ґеолоґічных варштатів.

Стоваришыня «Руска Бурса» в Ґорлицях просит на варштаты тыкаючы ґеолоґічной будовы реґіону, основ розпознаваня і метод досліджаня скал та возниканя, експлоатациі і істориі выдобываня нафтовой ропы в реґіоні.

ІІ стріча буде проходила 16. січня/януара 2019 р., в середу, в годинах од 18.00 до 20.00. Темом січньовых варштатів буде практичне розпознаваня скал і дослідничы методы в ґеолоґіі. Буде можливіст розпознавати ріжного рода скалы нажыво! Стріча буде ведена специяльні запрошеным ансамбльом ґеолоґів з Ягайлоньского Університету і Науково-Технічного Університету в Кракові.

Для участників подіі зрыхтуваный буде скромный почастунок. Даєме варштатовы материялы (папіря, олувкы, долгописы та готовы задачы і мініпідручникы).

Варштаты проходят в грудни/децембрі, січни/януарі та лютым/фебруарі. Вступне дармо. Сердечно просиме молодых і старшых, якы мают охоту ся дознати більше на тему ґеолоґіі і Лемковины.