Ґміна Устя Рускє удоступнят детальны мапы

Як чытаме на сайті usciegorlickie.pl, ґміна Устя Ґорлицкє (лемківска назва Устя Рускє) удоступнила на портали portal.gison.pl інтерактывну мапу свойой обшыри. На ній находят детальны інформациі, котры, через зазначыня поєдных опций (з лівой стороны), наносят на мапу дальшы даны.

На портали мож вынайти інтересуючу нас обшыр по номері ділянкы, або адресі, але доступных єст вельо практычных інтерактывных функций (друкуваня, обрахуваня зазначеной обшыри, або долгости одтинка і інчы). Можете ачий обізрити выбране місце в сервісі Google Street View, кєд лем уж єст там поміщене.