«Говорить Пряшів» – пятниця, 20.00 год.
Скоро нам тыжден ся мунил. Зас сме ближе його кіцню. Внет субота – ден добрый на вшытко, ачий на роботу, но але найліпше тоту, яку не годны сме зробити в тыжни. Такій ден на надробліня інчых справ. Пак неділя – ден святкуваня і одпочынку.
Пак зас приде новый тыжден, новый місяц, новый рік і так фурт… Світ іде допереду, лем проблемы тоты самы, но може лем при інчых обставинах і з модерным способом. Іщы не так давно нихто не сміл бы подумати, што так скоро лемківскій світ войде в сферу Інтернету. А уж цілком нихто не сміл мрияти, што Лемкы будут мати своє радийо. І то не такє лем в сіти, або такє, што лем з назвы радийом ся зове, і раз на місяц дашто пустит. Лемкы мают радийо, якє передає фурт і без перервы. Радийо ЛЕМ.фм ходит всяди там, де му забороняют. А жене скоро і гын, де го просят.
Нас колиси запросили до Пряшова і так сме ся уж оселили. Добрі ся там чуєме. Так просиме на постійну передачу – голос одтамале.
Днес в Нашых целебритах слово про Осифа Федронко, якій робил серед Русинів в Америці. Походил з русиньского села Чертеж на Лемковині. Был спілосновательом Руской Народной Орґанізациі. Подальше, хоц бы і Книжниця.фм. Днес оповіданя Миколая Коневала.
Залучаме радийо по 20.00 год.
Приносиме актуалны інформації з русиньского середовиска і нелем з нього. З нашыма справами будете все актуално інформованы о найважнішых подіях і з Културным калеідоскопом вам не втече жадна културно-сполоченьска акція у вашім реґіоні.
Ґорлиці 106,6 MHz
Наш порталь можете чытати чысто дармо, але кєд маш охоту - можеш нас спомочы. Буде нам барз мило!
Жебы спомочы нас даком вплатом, без ниякых зобовязань, втисний притиск або зоскануй код QR.
Nasz portal jest darmowy, nie mamy (i nie chcemy) na nim reklam. Jeżeli masz ochotę - możesz wesprzeć naszą codzienną pracę.
Aby wspomóc nas jednorazową wpłatą, bez żadnych zobowiązań, kliknij przycisk lub zeskanuj kod QR.
