Гудаци на закінчыню Бєщадского Редику

19. вересня в лемківскым селі Ославиця, яка находит ся на граници Низкого Бескіду і Бєщад, буде проходило закінчыня проєкту Бєщадского Редику – На пастырскым пути.

В рамках Пастырскых Стріч буде мож скоштувати ріжны сыры, звидіти сырову загороду, посмакувати місцевы стравы, запрезентуют ся тіж луковы стрільці зо Санока, якы вкажут клясычний спосіб стріляня з луку. Для діти будут зрыхтуваны специяльны анімациі, буде розвязаня фотоґрафічного конкурсу і концерты ансамблів Лопєнка з Тисной і Гудаци.

Редик – торжественне выведіня в горы стада овец на выпасіня (весняний редик) та іх приведіня назад на зиму (осінний редик). Колиси шыроко хоснувана в Карпатах практыка, якій все товаришыло вельо обрядів і звыків.

Гудаци – музыканты, слідом гудаків з часів Австро-Мадяр, вандруют по східній та західній Галичыні, властиві то по цілых Карпатах, а і не лем, граючы карпатску, а і не лем, музыку. Приносят слухачам русиньскы, жыдівскы, словацкы, циґаньскы, а часом і балканьскы мелодиі і ритмы. Награли уж дві платні. Єдну з них можете придбати гев.

фот горі. Estera Kulawska Fotografia