Гіст в ЛЕМ.фм #59 – О дегтярскым проєкті – віторок, 9.15 год.

Просиме на радийовый проґрам – бесіду з реализаторами проєкту «Дегтярство. Жыва спадковина Лемковины».

В проґрамі бесідуєме о традицийным дехтярстві як особлывым і унікальным ремеслі – елементі нематерияльной спадковины Лемковины. Буде кус о істориі дегтярства в Білянці, культурным значыню, а тіж о тым, чом вартат документувати дегтярство і утырваляти в памяти і в практиці.

То бесіда о роботі в терені, стрічах з депозитариюшами традициі і пробах сохраніня знаня і практик, што десятками років были важном частю в Карпатах.

Емісия проґраму в віторок 16. грудня/децембра 2025 р. о год. 9.15, повторіня в ночы з вітірка на середу о год. 2.30. Пак проґрам найде ся в подкастах радия лем.фм в секциі Гіст в лем.фм, якы доступны сут за тым мотузком.