«Голосы Русинів Підкарпатя» – середа, 18.10 год.

Выроба вина на Підкарпатю – то єден із промыслів, котрым із давна занимав ся у краю і Руснак, і Мадяр, і Румун, і Словак. Низовинны, теплы районы «Сріберной Землі» фурт жыли з того, розвивавючі виноград і выробу вина, култівуючі вино як штось божественне і сакралне.

Наш герой Федор Павлишинець нелем любить вино, він обожествлює тот напиток. «Кедь огурок огурком пахне, то вино має верьх 500 смакув,» – говорить Федор.  А іщі говорить, же деґустаторы вина у напитку з Чорной Горы чують смак вулканічной горнины.

Хоць Федор не є потомком выробці вина, ани наслідником промыслу в третім-четвертім коліні, але за вісем років дістав ся меджі найліпшых в краю. За тот час став найвекшым профі у выробі вина. Зато має много нагород, із котрых цінить лем щіре дякованя людей за погарчик божественного нектара.

А іщі гордить ся наш герой таблами з подяков од україньскый вояків за поміч Збройным силам Україны, і пожертвами на русиньскі выданя. Радый є, же його пожертвы помагаю ть.