«Голосы Русинів Підкарпатя» – середа, 18.10 год.

Дітьскый русиньскый аматерьскый ансамбель «Бабчина співаночка» знають многы. Його ведуча Олга Прокоп была фест познана нелем в културных і общественных кругах краю, но і за граніцьов.

Так як Олга Кіріловна у 2020-ім році одышла на ліпшый світ, то історію «Бабчиной співаночкы» розказала їй внучка Наталка Симчик.

Наталія Володиміровна повідала «Голосам Русинів Підкарпатя», же першый колектів «Бабчиной співаночкы» зорґанізовав ся на базі Недільной русиньской школы, де учітельовала она сама. Тогды, выбраный із школярів, першый співацькы колектів із чотырьох участників перебывав у Будапешті. То быв 2005-ый рук.

«Бабчина співаночка» за 20 років першла довгу путь, несучі русиньске слово до многых місць Підкарпатя, і за граніцю. Пять років назад колектиів стратив Олгу Кіріловну, але сам ся уцілив, не розпав ся. То дякуючі Наталці, старшині діточок, днесь покійному Володимірови Біланинови.

Наталія Володиміровна Симчик выповнила вшыткы заповіты прощеной бы бабкы: вышли книжкы «Русинські співанкы» і «Казкы з телевізора», котры зобрала Олга Кіріловна, жыє «Бабчина співаночка». Іщі єдно грызе Наталку: єдна з уліць Чинадійова мусить быти названа іменом Олгы Прокоп-Халявкы, котра прославила тото село і принесла много чести його жытелям.

Слухайте «Голосы Русинів Підкарпатя» в середу 7-го мая 2025 р. о 18.10 год., або повторіня в четверь 8-го мая о 4.30 год. і в суботу 10-го мая о 11.00 год. за русиньскым часом.