«Голосы Русинів Підкарпатя» – середа, 18.10 год.
Проґрам Голосы Русинів Підкарпатя – розговоры на інтересны і актуалны темы з підкарпатьскыма Русинами.
Іван Івановчик – серенчливый чоловік, котрый намагав ся выбрати собі таку професію і гобі, котры єдно без другого не можуть фунґовати.
«Абы быти архітектором – треба знати мальовати», говорить Іван Івановіч. Зато малярьство і архітектура ся вжывають у нього дома.
Як певный гуманіста, пан Івановчик префайно ся зжывать із представителями другых етносів. Женив ся на файній дівочці із Полтавщіны, з котров жыє душа в душу вже бівше як 40 років. Кредо «Штоденна праца подобна на молитву» придумала про Івановчика якраз його жена.
Іван Івановіч фурт раховав себе сыном Підкарпатя і оддавав ся служіню Сріберной Землі цалком. Контактовав за жытя і ведучого Василя Сарканича із Свалявскым обществом Русинів. І за його участи на Свалявській ратуші была отворена ціла ґалерія нашым будителям Александрови Духновічови, Іванови Сілвайови, Александрови Митракови, Євґенійови Фенцикови, Юрійови Венелінови-Гуца. То честь, котров ся похвалить не каждый.
Слухайте «Голосы Русинів Підкарпатя» в середу 21-го мая 2025 р. о 18.10 год., або повторіня в четверь 22-го мая о 4.30 год. і в суботу 24-го мая о 11.00 год. за русиньскым часом.
Ґорлиці 106,6 MHz
Наш порталь можете чытати чысто дармо, але кєд маш охоту - можеш нас спомочы. Буде нам барз мило!
Жебы спомочы нас даком вплатом, без ниякых зобовязань, втисний притиск або зоскануй код QR.
Nasz portal jest darmowy, nie mamy (i nie chcemy) na nim reklam. Jeżeli masz ochotę - możesz wesprzeć naszą codzienną pracę.
Aby wspomóc nas jednorazową wpłatą, bez żadnych zobowiązań, kliknij przycisk lub zeskanuj kod QR.
