«Голосы Русинів Підкарпатя» – середа, 18.10 год.

Молодого русиньского блоґера Мигаля Лыжечка знають в краю многы. Сам єм за нього учув 5-6 років назад, коли моя дівка Юлка Шиповіч зробила з ним проґрам на «Русинській родині».

Мигаль народив ся в селі Кушниця в 1991-ім році. Од назвы села і взяв псевдонім – Кушницькый.

Од самого дітинства інтересовав ся уменьом, науками, любив мальованя і фіґльованя. По закінчіню школы став штудентом Ужгородьской націоналной універзіты, де штудовав компютерове інжінірство.

У 2020-ім році заложыв відеоблоґ за русиньскый язык, а році 2021 блоґ за технолоґії і інтернет – Інтерфийса. Ліпшы статі з блоґа вєдно з Петром Біровом выдали  у 2024-ім році окремов книжков. Мигаль участвує у роботі журнала «Отцюзнина» і «Алманаха днешньої русинської літературы».

Не є членом ани єдной русиньскої орґанізації, бо каже, же і без того бере участь в карпаторусиньскім русі.

Слухайте «Голосы Русинів Підкарпатя» в середу 25-го юна 2025 р. о 18.10 год., або повторіня в четверь 26-го юна о 4.30 год. і в суботу 28-го юна о 11.00 год. за русиньскым часом.