«Голосы Русинів Підкарпатя» – середа, 18.10 год.

Оксана Поповіч є коріннов Карпаторусинков, котра пережыла в роднім селі цілый жывот.

Пережыла роблячі то, што найвеце любила: вчітельовала і співала в «Голубиньскій  бороні». Од маленькой, вандруючі зо своїм колектівом, співала русиньскы співанкы по цілім Совітьскім союзі і за граніцями.

Може бы і музикантков стала, але не приняла їй душа дуже строгой вчітелькы музикы. Зато учітелька в голубиньскій школі привила Оксані любов до дітей. Так і выбрала собі професію педаґоґа, а у «Голубиньскій  бороні» співать понад 50 років, теперь уже з дівков і внучков – три поколіня.

А іщі недавно, в першім десятьрочу 21-го столітя, робила Оксана Федоровна у русиньскій недільній школі. Каже, же без русиньского школованя  будучность нашого народа не видить.

Слухайте «Голосы Русинів Підкарпатя» в середу 31-го децембра 2025 р. о 18.10 год., або повторіня в четверь 1-го януара 2026 р. о 4.30 год. і в суботу 3-го януара о 11.00 год. за русиньскым часом.