«Голосы Русинів Підкарпатя» – середа, 18.10 год.
Проґрам Голосы Русинів Підкарпатя – розговоры на інтересны і актуалны темы з підкарпатьскыма Русинами.
Анна Молнар, або як єй кличуть у селі «Оннушка», є сердцьом Голубиного коло Свалявы. Она позната розповідачка русиньскых оповідань, співачка, знателька і зберателька народного фолклору і звыків Лужаньской долины.
Тому гостька нашого проґраму, пісенна душов Лужаньской долины, розповість слухачам Лем.фм про Сятый вечур і Різдво, Другый Сятый вечур і Василя, Бабин вечур і Водощі. Коли і што мож было робити.
Анна Васильовна є дзеркалом вшыткых історічных змін, котры пережыло Голубиноє вєдно з цілов Підкарпатьсков Русьов за післідніх 75 років.
Од 50-ых років 20-го стороча, коли комуністічна власть заказала колядованя, наша геройка щедровала в ґрупі леґендарной «Голубиньской бороны». Но лем на кінцю 80-ых, коли колядовати позволили, ансамбель став єдным з найліпшых репрезентантів різдвяной співанкы.
Слухайте «Голосы Русинів Підкарпатя» в середу 7-го януара 2026 р. о 18.10 год., або повторіня в четверь 8-го януара о 4.30 год. і в суботу 10-го януара о 11.00 год. за русиньскым часом.
Повязаны дописы
Ґорлиці 106,6 MHz
Наш порталь можете чытати чысто дармо, але кєд маш охоту - можеш нас спомочы. Буде нам барз мило!
Жебы спомочы нас даком вплатом, без ниякых зобовязань, втисний притиск або зоскануй код QR.
Nasz portal jest darmowy, nie mamy (i nie chcemy) na nim reklam. Jeżeli masz ochotę - możesz wesprzeć naszą codzienną pracę.
Aby wspomóc nas jednorazową wpłatą, bez żadnych zobowiązań, kliknij przycisk lub zeskanuj kod QR.
