«Голосы Русинів Підкарпатя» – середа, 18.10 год.

В посліднім часі фурт єм ся бідкав, же не появляють ся ниґде файны, квалітны русиньск кліпы, котрых і давніше не дуже много было. А на днесь не стрічав єм їх нияк.

Зато появліня нового кліпу Роберта Тіводора «Руснацька молитва» стала про мене добрым знаком. Коли ся таке родить – русиньска култура не вмре, а через то буде жыти і русиньскый народ. Слова до кліпу суть авторства Володиміра Рошка, котрый в минулости так само быв геройом нашого проґраму.

Робі сам наполовину етнічный Мадяр, а на четверть Росіян, на чеверть Українець, бо баба по мамі му была з Миколаївщіны. Айбо чоловік сам собі выберать і етнічну приналежность. Зато Роберт ідентіфікує себе Русином, і є твердым патріотом русиньского краю. Він на повны груді дыхать гірьскым воздухом Карпат, жыє проблемами той землі та ій людей.

Тато вшыткы музичны ґрупы, котры основав гость «Голосів Русинів Підкарпатя» Роберт Тіводор, мають в репертоарі і русиньскы співанкы. «Руснацька молитва» – то часть нового проєкту Роберта, котрый ся называть «Бокораш».

Слухайте «Голосы Русинів Підкарпатя» в середу 25-го марца 2026 р. о 18.10 год., або повторіня в четверь 26-го марца о 4.30 год. і в суботу 28-го марца о 11.00 год. за русиньскым часом.