«Голосы Русинів Підкарпатя» – середа, 18.10 год.

У другій части проґраму «Голосы Русинів Підкарпатя» з Володиміром Феничом учуєме причіну, чом тему про свою дізертацію він выбрав реліґійну: «Греко-католицька церква у громадському та культурному житті Закарпаття», і яка роль в тім выбері «културного Лемберґа».

Розповість Володимір Івановіч о подіях Помаранчовой револуції, і як став деканом факулты.

Кедьже особенну важность у своїй біоґрафії наш гость дає факту сполупраці із родинов Бендасів, розповість і о важности архіву Стефана Бендаса.

Будеме чути о його роботі в Studium Carpato-Ruthenorum од 2018-го року до днесь, а так само о роботі на Інштітуті русиньского языка і културы Пряшівской універзіты в Пряшові (Словакія).

Окрем того  честованый слухач «Голосів Русинів Підкарпатя» буде чути о планах нашого героя до будучности.

Слухайте «Голосы Русинів Підкарпатя» в середу 8-го апріля 2026 р. о 18.10 год., або повторіня в четверь 9-го апріля о 4.30 год. і в суботу 11-го апріля о 11.00 год. за русиньскым часом.