«Голосы Русинів Підкарпатя» – середа, 18.10 год.

Гостьом «Голосів Русинів Підкарпатя» є Марія Васильовна Білак, котра прожыла в роднім Оноці цілый свій жывот.

На роботу секретаря сільской рады ішла на куртый час, докы ся не найде місце в школі. А вышло, што на довгых 38 років. Але наша героїня за то не банує: мала честь од людей і сама честовала своїх родаків.

Марія Васильовна є авторков двох книжок. Перша – то зобрник русиньскых співанок «Оноче, оноче, пісня в тобі цоркоче», выдана у 2018-ім році, в котрім є 93 народных співанок. А друга – то выбер малых фолклорных форм, русиньскых народных приказок «Вшиткі люди – вшитко знавуть», котра вышла у 2022-ім році. Выданя обидвох книжок заплачене было сынами Марії Васильовны.

Іщі пані Білак у 2012-ім році засновала дітьскый ансамебль «Оноські ластівочкы», котрый тішыть співом своїх родаків.

В будучности Марія Васильовна має дяку выдати зборник русинськых войновых співанок, котры так любив їй нянько.

Слухайте «Голосы Русинів Підкарпатя» в середу 4-го септембра 2024 р. о 18.10 год., або повторіня в четверь 5-го септембра о 4.30 год. і в суботу 7-го септембра р. о 11.00 год. за русиньскым часом.