«Говорить Пряшів» – пятниця, 18.10 год.

Злетіл тот тыжден, зрештом як вшыткы інчы. Бо так нам проходит жытя – година за годином, ден за дньом, і так дальше. Ні, не вызерат ту на мелянхолію, так просто треба ся з тым погодити, же нам вшытко скоро іде!

Лем жебы сме не забывали і нашы народовы темы, так слухаме передачы од Пряшова. Днес о акторі, режысері, драматурґу, перекладачу театральных пєс і нашым активісті – Ярославі Сисаку, якій помер як раз в тых днях. Вічна Йому Памят.

Книжниця.фм – ту анекдоты Михаіла Чухрана.

Перличка – лемківска еміґрацийна ґазета «Карпатска Русь» «розкрыват», якы доправды сут політикы Бродій і Фенцик.

Припоминка – пропомянеме собі американьску русиньску літературу.