«Говорить Пряшів» – пятниця, 18.10 год.

Не знам ци найдут ся такы, што будут слухати пятницьовой премєры. Но, бо в Михалові загорит вечером 45. Лемківска Ватра на Чужыні, яку орґанізує найстарша лемківска повыселенча орґанізация – Стоваришыня Лемків.

Але… Знаме тіж, што не каждому є дане быти на Ватрі. Декотры мают далеко, декотрым ся дашто неповеде. І так дальше.

Но і тым чыном анонсуєме.

Нашом целебритком буде Ольга Сілцер-Ликович, культурно-обществна діяча Русинів на Мадярах.

Книжниця.фм – Петра Семанцьова – «Зазрак мого жывота» – оповіданя (перша част з семох).

Перличка – ґазета «Карпатска Русь» пише, же ся приблищат іскупленіє Карпатской Руси і соєдиніня ся з «братами».

Припоминка – припомянеме собі, як ся робили стілці без клинця.