Концерт коляд в выконаню церковного хору в Бучыні – середа, 18.30 год.

Церковный хор під артистичным ведіньом Кристины Романяк, якій діє з благословліня пароха отця єромонаха Юрия Омелянюка при православній церкви Святого Димитрия Солуньского в Бучыні на Нижнім Шлеску, запрашат вшыткых слухачів радия ЛЕМ.фм на середу, 6. січня/януара 2021 р., на 18.30 год. послухати святочну авдицию з колядами в аранжациях хору.

Хоц члены хору то в векшости аматоры, якы церковным співом занимают ся лем, а може аж з потребы духа, спів тот трактуют як найвекшый дар од Бога і завдякы тому дарови можут співати на його хвалу наштоден і од свята.

На Святый Вечер запрашаме слухати концерт коляд і желаня для слухачів радия з нагоды Рождества Христового, якы передадут хористы.

Премєра проґраму на Велию о 18.30 год., реприза в першый ден свят – четвер, 7. січня/януара о 13.00 год. і для слухачів з Америкы 7. і 8. січня/януара о 4.00 рано нашого часу.

Тепер запрашам Вас слухати заяву авдициі:

Цілу авдицю почуєте в радию Руской Бурсы на частотах: 106.6 МГз в Ґорлицях, 103.8 МГз в Польковицях i в цілым світі онляйн на www.lem.fm.

З нагоды свята Рождества Христового желаме смачной велиі, вшыткого найліпшого, дуже здоровля і Божой благодати.
Христос Раждає ся, славите Його!