Кошыцькы Русины підуть до Чертіжного і Габуры

Русиньска оброда на Словеньску – містна орґанізація в Кошыцях запрошать на путованя до Чертіжного і Габуры, котре одбуде ся в суботу 9-го юна 2018-го року.

Як інформовала Марія Бицькова, председкыня містной орґанізації, участны підуть в Чертіжнім посмотрити на гробы Адолфа Добряньского – вызначной особности народного возроджіня Русинів у 19-ім столітю і Юлія Ставровского-Попрадова, священика, і писателя того самого періоду. В Чертіжнім навщівлять і Ґрекокатолицьку церьков Вознесенія Господне ці господарьску будову курії Добряньскый, котра ся в селі всокотила.

І в Габурі буде што посмотрити. Наперед є напланова навщіва Ґрекокатолицькой церькви св. Михаіла Ахістратига, котра была збудована у 18-ім столітю, пак участны перейдуть до вірной копії деревяной Церькви св. Николая Чудотворця, котрой оріґінал збудованый в роках 1502 аж 1510 находить ся од 1935-го року в Градці Кралове, в Чеській републіці. Ціле подорожіня закінчіть ся коло скулптуры Князя Лабірця, котра стоїть над селом Габура.

Хто бы мав інтерес путовати вєдно із кошыцькыма Русинами до нашых сел в Лабірьскій долині, може контактовати пані Марію Бицькову на телефонічнім чіслі +421 948 532 188.

ТЕКСТ НАПИСАНИЙ В ПРЯШІВСКЫМ СТАНДАРДІ РУСИНЬСКОГО ЯЗЫКА

Повязаны дописы

Русиньскы експонаты будуть мати діґіталны копії. Діґіталізує ся і на Підкарпатю

Осінні подіі Стоваришыня Лемків: Лемківска Творча Осін і Стрічы Трьох Поколінь

Łemkowie są…

Спомож нас / Wesprzyj nas