Куп русиньского медведя

Стараньом Кружка Стоваришыня Лемків в Ліґници были вытворены значкы з русиньском символиком, котры сут уж доступны до придбаня. Значок представлят русиньского медведя – герб Русинів, котрого проєкт был споряджений на основі печатаной в 2014 році книжкы Русиньска народна сімболіка Мілана Піліпа. Так выглядаючий русиньскій герб был схвалений Світовым Конґресом Русинів в 2007 році.

Його істория є дуже долша, понеже возникнул такой на переломі 1919/20 рока, будучы гербом Підкартпатской Руси, товды входячой в склад новой державы на мапі Европы – Чехословациі, так выникла потреба установити новы символі ЧСР. Од тамтой поры был постепенно приниманий серед Русинів цілой Карпатской Руси.

Нацийональний знак буде мож придбати на приближаючій ся ХXXVI Лемківскій Ватрі на Чужыні в Михалові, котра того рока пройде в днях 5.-6. серпня. Значкы будут выставлены до купліня при шатрі радия лем.фм, котре буде розставлене на ватровиску. Ціна єдного примірника то лем 6 зл!

Відоміст подал: Кружок Стоваришыня Лемків в Ліґници

Повязаны дописы

До мадярьского парламенту выберуть і меншыны своїх представителів

Вмер Славомир Канюк. Хориста, дяк, вірный Лемковині

Łemkowie są…

Спомож нас / Wesprzyj nas