Лемківскы забыткы з новыма дотациями

Підкарпатскій Воєвідскій Уряд Охороны Забытків оголосил выділены дотациі на консервацию і ремонт забытків підкарпатского воєвідства на 2015 рік. Сума грошы презначеных на тоту ціль то  9.301.000 зл, з чого 310.000 зл єст презначеных на захороніня лемківской спадковины, а докладні:

• Балутянка, палук-лямпа в церкви – полна консервация – 5.000 зл (внескодавця – римокатолицка парафія з Рыманова)
• Вислок Великій, консервация престола – 10.000 зл (внескодавця – римокатолицка парафія з Вислока)
• Гвоздянка, церков – ремонт даху з выміном пошытя, выміна ошалюваня зрубовых стін і іх імпреґнация – 10.000 зл (внескодавця – римокатолицка парафія з Небыльця)
• Крампна, консервация выпосажыня церкви – 10.000 зл (внескодавця – римокатолицка парафія з Крампной)
• Морохів, православна церков – ремонт і консервация вежы притвора та части камінного муру, ремонт і перебудова огороджыньового муру з тесаного каменя – 20.000 зл (внескодавця – православна парафія з Морохова)
• Одрехова – консервация ікон, рам, феретрону в церкви – 15.000 зл (внескодавця – римокатолицка парафія з Одреховы)
• Опарівка – продолжыня консервациі іконостасу – 20.000 зл (вньоскодавця – римокатолицка парафія з Высокой Стжыжовской)
• Перегримка – консервация розпису полудньовой стіны олтаря і закінчыня консервациі розпису повалы храму вірных – 20.000 зл (внескодавця – православна парафія з Перегримкы)
• Радошыці, церков – выміна покрытя даху, сиґнатурок, вежы, одпроваджыня воды, одгромліня – 30.000 зл (внескодавця – римокатолицка парафія з Команчы)
• Репед – консервация розпису олтаря в церкви – 20.000 зл (внескодавця – грекокатолицка парафія з Команчы)
• Санок, церков св. Тройці – реновация тынків елевациі приземля з малюваньом – 30.000 зл (внескодавця – православна парафія з Санока)
• Святкова Велика – консервация бічного олтаря в церкви – 20.000 зл (внескодавця – римокатолицка парафія з Нового Змигороду)
• Смільник, церков – консервация елевациі, ізоляция фондаментів, выміна столяркы, одгромліня – 50.000 зл (внескодавця – римокатолицка парафія з Нового Лупкова)
• Терстяна–Завадка – консервация іконы Розпятя та розпису олтаря – 40.000 зл (внескодавця – римокатолицка парафія з Терстяны-Завадкы)
• Щавне, церков з дзвінницьом – консервация і малюваня даху церкви і дзвинниці – 10.000 зл (внескодавця – православна парафія з Морохова)

Окрем того, Малополскій Воєвідскій Уряд Охороны Забытків зарезервувал квоты дотациі на консервацию і ремонты на 2015 рік, але остаточны чысла будут поданы по проведіню внескодавцями конкуренцийной процедуры та по верифікациі вымаганых документів. Серед зарезервуваных середків находят ся дотациі на:

• консервацию малярской декорациі церкви в Волівци – зарезервувана квота то 120.000 зл (внескодавця – православна парафія з Бортного)
• закінчыня консервациі іконостасу в церкви в Шляхтовій – 90.000 зл (внескодавця – римокатолицка парафія зо Шляхтовы)
• закінчыня консервациі кіриличных стародруків в Ґорлицях – 15.000 зл (внескодавця – Єпархіяльний Осередок Православной Культуры Елпіс в Ґорлицях)
• ремонт підлогы церкви (тепер костела) з Креници-Солотвинах – 50.000 зл (внескодавця – римокатолицка парафія з Крениці)
• консервация ікон і бічного олтаря в церкви в Поворознику – 50.000 зл (внескодавця – римокатолицка парафія з Мушыны)
• споряджыня документациі церкви в Королевій Рускій – 10.000 зл (внескодавця – римокатолицка парафія з Королевы)

фот. ахрів ЛЕМ.фм та wikipedia.org