На многая літа для Ігоря Дуды

10. марця 1940 рока в селі Ганчова на Лемковині вродил ся Ігор Дуда – автор лемківского словника, публициста, мистецтвознавця, педаґоґ.

Скінчыл львівскє технікум легкого індустря, пак в 1973 році Інститут Малярства, Різбы і Архітектуры ім. І. Рєпіна Академіі Мистецтв в Санкт-Петербурзі. През 25 років робил як педаґоґ. Од 1991 рока был директором Тернопільского Облатсного Артистычного Музею, од 2005 рока доцентом Тернопільского Нацийонального Педаґоґічного Універистету ім. В. Гнатюка. Печатал вельо книжок – з мистецтвознавства, крайознавства і языкознавства. Єст тіж автором близко 1050 дописів, друкуваных в ґазетах, журналах, збірниках та енциклопедиях. Был участником 60. науково-практычных конференций. Занимат ся рысунком, ґрафіком.

Од 1994 рока редактор часопису „Дзвони Лемківщини”. В роках 1998-2000 был ведучым тернопільского областного товариства Лемківщина, был тіж орґанізатором першой в Украіні Лемківской Ватры – Гутиска 1998 р. Од 2001 рока член Всеукраіньского Товариства Лемківщина, а од 2002 рока член Світовой Федерациі Украіньскых Лемківскх Объєднань.

I. Дуда є тіж лавреатом конкурсу Людина року 2004 в Тернополи – областной преміі за діяня в обшыри культуры.

В 2011 році вышол друком Лемківський словник авторства Ігоря Дуды, в якым автор помістил аж 26 000 слів, а в остатнім часі вказала ся  тіж книжка Лемківскій гумор з чысленныма приповідками на кажду нагоду. Книжкы тоты находят ся в бібліотеці Руской Бурсы, де горячо запрашаме прити, а окрем того можете іх придбати за тым мотузком.

Пану Ігорьови щыро желаме многых і благых років.