Нова «Бесіда» – як все інформує о тым, што важне

В недавным часі явил ся другій тогорічный номер часопису Стоваришыня Лемків – «Бесіда», ч. 2 (203) за місяці марец/квітен 2025 р.

В номері прочытаме м.ін. статі:

• Наталія Малецка-Новак, Томаш Квока здобыл ступін доктора габілітуваного;
• Наталія Малецка-Новак, Проф. Олена Дуць-Файфер новом ведучом Східньоевропейской Комісиі Польской Академіі Знань;
• Петро Медвідь, РОС в театрі припомянула собі 30 років од кофідікациі языка;
• Севериян Косовскій, Маршалок Сойму в річницю меншынового закону: «Маме такы самы права і такы самы обовязкы»;
• Петро Трохановскій, Першый новодобый голоситель окремішньости русиньского языка (до 150-ой річниці народжыня Гіадора Стрипского);
• Петро Трохановскій, Лемко – выдатный оперовый співак підбивал найкрасшы сцены Европы;
• Наталия Малецка-Новак, Першый імпресаріо лемківской музикы. 

Окрем реченых примірів в «Бесіді» найдете вельо інчого цікавого. То м.ін. част «Новины, не новины – не лем з Лемковины» інформуюча о найважнійшых подіях з русиньского світа, што одбыли ся за послідній час.

При дописі посвяченым др габ. Фомі Квоці приватне слово дал помістил тіж шефредактор чаоспису – Петро Трохановскій.

Цікава є теперішня част «З выдавничой поличкы». Ту Петро Трохановскій розправлят ся з дописом др. Петра Буковчыка, поміщеным в Річнику ЛАПіТ «Кычера» – «Царина». Допис Stereotyp beskidnika w piśmiennictwie łemkowskim a rzeczywistość historyczna є анализуваный і критично оціненый оком шефредактора «Бесіды». О самій же «Царині» і єй змісті Петро Трохановскій буде ся розписувал іщы в дальшых номерах часопису.

То лем примір того, што найдете в нашым єдиным лемківскым часописі. Придбайте – чытайте.

Двомісячник «Бесіда» то часопис Головного Заряду Стоваришыня Лемків, выходит од 1989 рока, присвяченый єст збережыню істориі, культуры і языка Лемків, інформуючый о жытю нашой і братніх нам соспільности, плекаючый вірні надіі прадідів і вітців.

«Бесіду» мож почытати в бібліотеці Руской Бурсы в Ґорлицях. Ґазета є тіж доступна в локальных Кружках Стоваришыня Лемків в Польщы.

Найновшый номер, як тіж архівальны номеры часопису «Бесіда» годны сте придбати в електронічній версиі по сконтактуваю з выдавцьом на сайті www.stowarzyszenielemkow.pl.