Нова платня ансамблю «Серенча» – уж доступна!

Як заявляли сме на нашым портали, ансамбль Серенча, котрий гостит на лемківскій сцені уж долгы рокы, примірювал ся до офіцияльного запрезентуваня свойой новой платні. Дотримуючы слова, приносиме тоту віст на наш порталь.

Кружок пн. Ой ле лем –  є уж доступний до придбаня в книгарни Байка в Ґорлицях (ул. 3. Мая) та в высівскій пияльни воды. Окрем того, вшыткы заінтересуваны можут безпосередньо контактувати ся зо Стоваришыньом Промоциі Лемківской Творчости Серенча, пишучы на е-майльовий адрес: serencza@poczta.onet.pl.

Ой ле лем то 11 творів – пісен, выконуваных в лемківскым языку, котры, як і материял з попередніх кружків, представляют давну, меньше знану лемківску музычну спадковину. Ансамбль своі аранжациі операт на співнику Филарета Колессы з 1929 рока, котрий зобрал пісні з околиц Панкны, Маластова і Устя Руского.

На платни найдеме:

• А моя ґаздыня;
• Там на горі;
• Червена Ружа;
• Ани мі не вечер;
• Ой, Боже мій Боже;
• Ой ле лем;
• Ой, мамусь;
• Палюночка;
• Жебы-м не познала;
• Женил бы-м ся;
• Ей гаік, гаік. 

За тым мотузком, можете послухати фраґменты реченых співанок. А гев – доступна фотореляция з проведеных награнь до теледиску, промуючого нову продукцию. Проведены в листопаді/новембрі т.р., награня, зниманы были на Лемковині – в Бліхнарці і Высові.

Долов, Серенча в дакус старшых аранжациях, вчас концерту в Высові в 2005 році.

https://www.youtube.com/watch?v=O4jc6kiIUSc