Обзерач Природы #63 – пятниця, 13.00 год.
Памятникова туристика – так можеме назвати спосіб, в якій будеме експлорувати природу в найновшым одтинку проґраму Обзерач Природы. Призриме ся докладні прекрасному памятникови природы, якым єст водопад при Млині в Івли (ґміна Дукля). Чом як раз тото місце так міцно хочу Вам зареклямувати?
Вказує ся, же більшого водопаду в Низкым Бескіду ниґде на найдете! Барз красні презентує він цілый спектр карпатскых, флішовых скал та чудує обзерачів своім розміром. Як буде Вам мало інтересуючых фактів тыкаючых того памятника природы, то доповім, же был він сценерийом в романтичній сцені з єдного фільмового гіту. Якого? То уж Вам здраджу на антені.
Слухайте Обзерача Природы в пятницю, 22. листопада/новембра, о 13.00 год. Одтинок буде повтаряный в суботу, 23. листопада/новембра о 7.00 год. і в віторок 26. листопада/новембра о год. 15.15. До стрічы на (радийовым) шляку!
джерело знимкы: Romr, Wikimedia Commons, CC BY-SA 3.0
Ґорлиці 106,6 MHz
Наш порталь можете чытати чысто дармо, але кєд маш охоту - можеш нас спомочы. Буде нам барз мило!
Жебы спомочы нас даком вплатом, без ниякых зобовязань, втисний притиск або зоскануй код QR.
Nasz portal jest darmowy, nie mamy (i nie chcemy) na nim reklam. Jeżeli masz ochotę - możesz wesprzeć naszą codzienną pracę.
Aby wspomóc nas jednorazową wpłatą, bez żadnych zobowiązań, kliknij przycisk lub zeskanuj kod QR.
