Обзерач Природы #70 – пятниця, 13.00 год.
Часом не треба іхати далеко од хыжы, жебы почути адреналіну. Інтересуючы атракциі ждут дослівно крок од границ Ґорлиц. O чым бесіда? Іде о єдну особливу видокову вежу в Низкым Бескіді.
Єст барз высока, з єй вершка будеме обзерати шырокы пейзажы, а пак… будеме мочы скоро зъіхати з ней 54-метровом зъізджальньом. Така єст нова видокова вежа на горі Лысуля медже селами Домініковиці і Мацина Велика. В найблизшу пятницю будете мати можливіст послухати не лем о тій атракциі, але тіж о туристичных шляках в околици i о старій церкви в Мацині Великій. Окрем того з деталями представлю, што мож обзерати з вершка спомненой вежы.
На вандрівку бескідскыма шляками прошу в найблизшу пятницю 10. січня/януара 2025 рока, о 13.00 год. Одтинок буде повтаряный в суботу, 11. січня/януара о 7.00 год. і в віторок 14. січня/януара о год. 15.15. До стрічы на (радийовым) шляку!
джерело знимкы: Henryk Bielamowicz, Wikimedia Commons, CC BY-SA 4.0
Повязаны дописы
Ґорлиці 106,6 MHz
Наш порталь можете чытати чысто дармо, але кєд маш охоту - можеш нас спомочы. Буде нам барз мило!
Жебы спомочы нас даком вплатом, без ниякых зобовязань, втисний притиск або зоскануй код QR.
Nasz portal jest darmowy, nie mamy (i nie chcemy) na nim reklam. Jeżeli masz ochotę - możesz wesprzeć naszą codzienną pracę.
Aby wspomóc nas jednorazową wpłatą, bez żadnych zobowiązań, kliknij przycisk lub zeskanuj kod QR.
