Обзерач Природы #84 – Волиньскій Нацийональный Парк

Кліфы, лісы, Балтийскє Море і поледовниковы скалы – так загально штырьома фразами можеме описати нацийональный парк, о котрым буде бесіда в найновшым одтинку Обзерача Природы. Підеме на вандрівку через надморскы дюны і букову пущу. Посмотриме на особливу дельту рікы Свины, як і на вынятковый берег Балтику.

Волиньскій Нацийональный Парк был основаный в 1960 році і од того часу лем збільшат свою обшыр. Днес єст то більше як 10 тис. гектарів, з чого велика част обнимат воды Щеціньского Заливу, і што робит з Волиньского Нацийонального Парку першый морскій парк в Польщы.

Берте выгідны черевікы і ходте на спацер надморскыма шляками. Зачынаме уж в найблизшу пятницю 14. листопада/новембра о 13.00 год. Проґрам буде повтаряный в суботу 15. листопада/новембра о год. 7.30 та в середу 19. листопада/новембра о год. 4.30.

До стрічы на (радийовым) шляку!

джерело знимкы: Якуб Зиґмунт та Shoovareck (Shoovareck, Wikimedia Commons, CC BY 3.0)