Обзерач Природы #89 – Ґорчаньскій Нацийональный Парк
Бескіды сут найбільшом під взглядом обшыри гірском ґрупом. Посеред них выняткове місце занимат хырбет Ґорців, якій находит ся медже Новым Торгом, Рабком Здрій на заході і долином Дунайця на полудни і сході. Ґорчаньска природа вказує ся быти так цінна, же стала ся частю нацийонального парку уж в 1981 році.
В найновшым одтинку Обзерача Природы буде бесіда о ґеолоґічній будові тых гір, як і о карпатскій пущы разом з старыми гірскыма луками, котрыма захоплюют ся днеска туристы вчас вандрівок на Турбач. Ци Ґорцы сут фактичні так дикыма і незміненыма чловеком горами? Якыма туристичныма стежками можеме тепер там вандрувати?
Одповіди на тоты звіданя та о вельо, вельо більше почуєте в найблизшу пятницю 19. грудня/децембра о 13.00 год. Проґрам буде повтаряный в суботу 20. грудня/децембра о год. 7.30 та в середу 24. грудня/децембра о год. 4.30.
До стрічы на (радийовым) шляку!
джерело знимкы: Якуб Зиґмунт та Віктор Барон (Wiktor Baron, Wikimedia Commons, CC BY-SA 3.0)
Повязаны дописы
Ґорлиці 106,6 MHz
Наш порталь можете чытати чысто дармо, але кєд маш охоту - можеш нас спомочы. Буде нам барз мило!
Жебы спомочы нас даком вплатом, без ниякых зобовязань, втисний притиск або зоскануй код QR.
Nasz portal jest darmowy, nie mamy (i nie chcemy) na nim reklam. Jeżeli masz ochotę - możesz wesprzeć naszą codzienną pracę.
Aby wspomóc nas jednorazową wpłatą, bez żadnych zobowiązań, kliknij przycisk lub zeskanuj kod QR.
