Обзерач Природы #90 – Бабіогірскій Нацийональный Парк

Бабіогірскій Нацийональный Парк єст єдным з найстаршых в Польщы? Не єст то нич особливого, бо під охороном находит ся гев хырбет найвысшой горы польскых Бескідів! Бабя Гора має высоту аж 1725 метрів над морьом! Што рока соткы тысячів любителів гір рішают выйти на тоту гору, жебы тішыти своі очы красныма ляндшафтами на інчы пасма Бескідів та і на Татры.

Треба доповісти, же Бабя Гора то єдна крапка на мапі, але цілый хырбет долгости 10 кілометрів. В найновшым Обзерачу Природы дознаме ся о вшыткых верхах будуючых хырбет той горы та призриме ся близше місцевій флорі і фауні. А єст чому! Дослідникы дорахували ся на обшыри нацийонального парку выступуваня аж 650 ґатунків лем самых трахеофітів!

Більше деталів того одтинка уж не здраджаме, лем просиме слухати авдицию в найблизшу пятницю 26. грудня/децембра о 13.00 год. Проґрам буде повтаряный в суботу 27. грудня/децембра о год. 7.30 та в середу 31. грудня/децембра о год. 4.30.

До стрічы на (радийовым) шляку!

джерело знимкы: Якуб Зиґмунт та Себастиян Мєжва (Sebastian Mierzwa, Wikimedia Commons,CC BY-SA 4.0)