Обзерач Природы #96 – Віґєрскій Нацийональный Парк

Може дакотры памятают популярну співанку польской співачкы Мариі Котербской, в котрій співат о авґустівскых ночах? Акция найновшого одтинка Обзерача Природы буде проходила недалеко од культового Авґустова, бо в Віґєрскым Нацийональным Парку, якій находит ся на пілніч од пущаньского курорту.

Біґєрскій Парк єст – подля вельох специялистів – найліпшым приміром охороны озерного ляндшафту. На його обшыри маме аж 42 аквены, спосеред котрых паром належыт ся специяльне выріжніня! Бесіда о сухарах – нетиповых озерках, котры не мают одплывів і доплывів, а вода в них єст часом так чорна, же припоминат смолу. То в сухарах можеме видіти, як возникают торфяникы. А чом так докладні ся діє? На одповід мусите пождати до премєры проґраму.

Прошу красні слухати реляциі з Віґєрского Нацийонального Парку в найблизшу пятницю 6. лютого/фебруара о 13.00 год. Проґрам буде повтаряный в суботу 7. лютого/фебруара о год. 7.30 та в середу 11. лютого/фебруара о год. 4.30.

До стрічы на (радийовым) шляку!

джерело знимкы: Якуб Зиґмунт та Lilly M (Wikimedia Commons, CC BY-SA 3.0)