Отворіня границі медже Західніма а Східніма Карпатами

19. серпня/авґуста т.р. в долині Ославы одбуде ся символичне отворіня границі медже Західніма а Східніма Карпатами. Маршалківскій Уряд Підкарпатского Воєвідства просит на подію пн. Райд Границьом Карпат.

Долина Ославы такой в цілій своій долгости творит натуральну границю медже Низкым Бескідом в Західніх Карпатах а Західніма Бєщадами во Східніх Карпатах. За опінійом части етноґрафів, долина тота вызначат тіж східню гранцию Лемковины. Підкарпатскій Маршалківскій Уряд задумал сой розпропаґувати знаня про тото, де іде речена границя медже єдном, а другом частю Карпат і опрацувал новий туристичний пут, на отворіня котрого сердечні запрашат на найблизшу суботу. Початок райду заплянувано в Прелуках. На трасі до Смільника, де буде мета, передвиджено додатковы атракциі, а то: стрічы зо збійниками, патрольом ЦК арміі ци співы з Ромами Берґітка. Заплянувано тіж конкурсы з нагородами, ватру, а каждий з участників обдаруваний буде памятковом хустом.

Орґанізатор забезпечат перевезіня з меты (зо Смільника) до місця старту (Прелукы). Початок – 11.00 година, місце зобраня – міст перед Прелуками. Більше інформаций найдете під но тел. 697 075 795.