Перше піше поломництво на праздник св. Максима Ґорлицкого

З благословліня владыкы Паісия, архієпископа перемышльско-ґорлицкой єпархіі, в передден праздника священномученика Максима, дня 5. вересня/септембра 2018 р., Братство Православной Молодежы той єпархіі запрашат на піше поломництво.

11 років тому, 5. вересня/септембра 2007 р., перенесено мощы святого зо Ждыні до Ґорлиц. Близко 100 років тому отец святого Максима – Тимофій Сандович, том самом дорогом перевюз мощы з цмонтеря в Ґорлицях, де спочывали од дня розстріляня – 6. вересня/септембра 1914 р., до Ждыні. 6. вересня/септембра 1983 р. при духовій помочы святого Максима был підписаний декрет о реактивациі перемышльско-ґорлицкой єпархіі, найстаршой православной єпархіі в Польщы.

Святий Максим был канонізуваний Православном Церквом в Польщы рішыньом святого Собору Єпископів ПАПЦ і оголошений вчас торжества проходячого 5.-6. вересня/септембра 1994 р. в кафедральній церкви Святой Тройці в Ґорлицях.

Плян поломництва:
– 5:00 – Свята Літургія в церкви Покровы Пресвятой Богородиці в Ждыни; початок поломництва
– 16:00 – кафедральна церков Святой Тройці в Ґорлицях; конец поломництва
– 17:00 – Всеночнa в Ґорлицях

Траса поломництва буде мала бл. 26 км. Дрібниці будут поданы пізнійше.

Участників просиме придбати свою мериндю. Не буде орґанізуваний нічліг. В припадку браку нічлігу просиме о скорший контакт (даны ниже). Буде можливіст перевезти баґажы зо Ждыні до Ґорлиц.
Неполнолітні зобовязаны сут мати зо собом згоду од родичів/правных опікунів.
Даєме секурацию лем для записаных осіб. Поломництво єст безплатне.

Заінтересуваных просиме контактувати ся:
– через страну фб БПМ перемышльско-ґорлицкой єпархіі;
– з Юлияном Феленчаком – 501-222-561, абo майльом: ksjfelenczak@gmail.com;
– з Беатом Кляйом – 513-218-590;
– з Александром Клинковскым – 517-418-510.