Пренос Архієрейской Божеской Літургіі з церкви Св. Тройці в Любіні – неділя, 13.00 год.
Просиме слухати пренос Архієрейской Божеской Літургіі з церкви Св. Тройці в Любіні на Нижным Шлеску.
17. червця/юнія 2019 рока в православній церкви св. Тройці в Любіні, в другій ден свята Сошествя Святого Духа празднувано 70 років основаня парохіі.
Торжественны божослужыня очелил Высокопреосвященійшый Владыка Юрий, предстоятель вроцлавско-щеціньской єпархіі. Літургію служыли і священникы любіньского, вроцлавского і зеленогірского деканатів. Своім співом богослужыня прикрасил парохіяльный хор веденый Анном Андриянов.
О. Богдан Репела парох любіньского храму єст шестым од початку основаня парохіі. Вірны сут в більшости Лемками выселеныма в 1947 році з рідной Лемковины і іх потомны. До любіньской парохіі приналежат тіж жытелі Нємстова, Хростника, Осєка, Ксєнґєниц, Польковиц, Домбровы, Сєдлец, Кшечына, Сцінавы, Чмеля, Ґожиці і Ґулявы.
З нагоды ювілею 70 літяя основаня парохіі вельо заслуженых любіньскых парохіян было удостойненых медалями і грамотами признаныма церковныма властями.
Повязаны дописы
Ґорлиці 106,6 MHz
Наш порталь можете чытати чысто дармо, але кєд маш охоту - можеш нас спомочы. Буде нам барз мило!
Жебы спомочы нас даком вплатом, без ниякых зобовязань, втисний притиск або зоскануй код QR.
Nasz portal jest darmowy, nie mamy (i nie chcemy) na nim reklam. Jeżeli masz ochotę - możesz wesprzeć naszą codzienną pracę.
Aby wspomóc nas jednorazową wpłatą, bez żadnych zobowiązań, kliknij przycisk lub zeskanuj kod QR.
