ПроРусин / Леняний олій і іншы омасты – середа, 20.00 год.

Запрашаме на дальший проґрам з сериі авдиций присвяченых Лемківскій Едукацийній Загороді в Ґладышові. Є то місце, котре лучыт сучасны, модерны формы едукациі з лемківском історийом і традицийным ремеслом.

В тертім одтинку дознате ся, яку омасту і в котрым часі хоснували колиси Лемкы. Познате нарядя потрібне до битя олію і роботы, якы треба было зробити, жебы олій выдусити. Ваньо Дзюбина, котрий про тото вшытко оповіст, зверне тіж увагу на культурове значыня битя олію. О тым вшыткым бесіда буде ведена при єдиній на Лемковині діючій тарановій оліярні, яка была зроблена на взір передвоєнной оліярні з Панкной.

Петро Дзюбина

Премєра проґраму в середу, 3. січня/януара о 20.00 год., повторіня вночы з середы на четвер о 4.00 год. та в суботу, 6. січня/януара, о 15.00 год.