Семінар карпаторусиністікы о польскій меншыні на Тєшіньску

Інштітут русиньского языка і културы Пряшівской універзіты в Пряшові на віторок 25-го марца 2025-го року пририхтовав 61-ый научный семінар карпаторусиністікы.

Тот раз на семінарі із своїм рефератом выступати буде доц. ПгДр. Ірена Боґочова, к. н. із Катедры славістікы Філозофічной факулты Остравской універзіты в Чеській републіці (ЧР). Реферуюча выступить із рефератом під назвов Сітуація польской меншыны на Тєшіньску в ЧР (едукачны і общественны інштітуції, языкова політіка, леґіслатіва, теорія і практіка локалной двоязычности).

Ірена Боґочова є чеська лінґвістка, славістка і высокошльскый педаґоґ. У своїй роботі занимать ся псіхолінґвістіков, соціолінґвістіков і білінґвалныма штудіями. Проблематіков польской меншыны на Тешіньску занимать ся довгодобо, на тоту тему уж веце статей в зборниках і далшых публікаціях.

Традічно по рефераті семінар буде продовжовати презентаційов найновшых выдань із карпаторусиністікы.

61-ый научный семінар зачінать о 13.00 год і одбуде ся  в просторах Інштітуту русиньского языка і културы Пряшівской універзіты.