Щыры вінчуваня од редакторів ЛЕМ.фм – Різдво (віторок), 12.30 год.

Дорогы слухачы першого лемківского радия ЛЕМ.фм, з нагоды свят Різдва Христового хочеме передати Вам щыры вінчуваня од нашого редакцийного ансамблю.

По 12.30 год. в ефірі радия вызвучат вінчуваня, якы награны были нашыма редакторами специяльно для Вас.

Дякуєме, же сте з нами дальшый рік. Так приймийте тоты щыры желаня Божой благодати, щестя, здравля і вшыткого найліпшого з нагоды праздника Рождества і Нового 2020 Рока.

Вінчувати будут Наталія Малецка-Новак, Мирко Воргач, Демко Трохановскій, Павльо Малецкій, Богдан Ґамбаль, Куба Зиґмунт і Севериян Косовскій.

Вінчуваня вызвучат в різдвяный віторок о 12.30 год. і 19.00 год. Повторіня заран (середа, 08. січня/януара) о 2.00 год., 9.00 год. і 19.00 год.

фот. зима на Лемковині / Фльоринка