Словация в чорній зоні. Тяжка епідемійолоґічна ситуация на обшырях близкых до Лемковины
Од 18. жолтня/октобра декотры словацкы реґіоны нашли ся в тзв. чорній зоні COVID-19. Найтяжша епідемійолоґічна ситуация є в пілнічній части Словациі, а то значыт, же і в приграничных реґіонах, якы сусідют з Лемковином.
Найбільше чысло зараженых єст актуально м.ін. в бардиівскым окресі, якій прямо сусідє з середущом Лемковином. Такой з Бардийова веде єден з головных черезграничных пути на перехід медже Бехеровом (Словация) а Конечном (Польща).
Окрем бардиівского, в чорній зоні нашли ся дальшы окресы – Чадця, Кісуцкє Нове Місто, Стара Любовня і Свидник. Два остатні так само прямо сусідуют з Лемковином – Старя Любовня з західньом частю, а Свидник зо східньом частю. З тых окресів так само ведут граничны переходы медже обома державами. Самособом сут то реґіоны, де прожыват найбільше русиньского населіня.
В другій ступени загорожыня, то значыт в бордовій зоні, є дальшых 22 словацкых окресів. Червеных окресів є там 37, оранжевых 15. В чорных окресах ограничыня сут найбільшы. Так прикладово в бардиівскым, старолюбовяньскым ци свидницкым окресах заказаны сут весіля, фестівалі і всякого рода дальшы акциі. Є лем вопросом, ци наслідства чысленных захворінь при полудньовій польскій границі досягнут і Польщу, а самособом і Лемковину.
Кажда особа (за вынятком осіб, якы ідут лем транзитом, і дальшых нечысленных вынятків), яка хоче з Польщы войти на обшыр Словацкой Республикы, потрібує наперед выполнити специяльный формуляр і зголосити через тото свою присутніст словацкым властям. Детальны вымогы находят ся на сайтах міністерств заграничных справ обох держав і в другых інформацийных пунктах.
Ґорлиці 106,6 MHz
Наш порталь можете чытати чысто дармо, але кєд маш охоту - можеш нас спомочы. Буде нам барз мило!
Жебы спомочы нас даком вплатом, без ниякых зобовязань, втисний притиск або зоскануй код QR.
Nasz portal jest darmowy, nie mamy (i nie chcemy) na nim reklam. Jeżeli masz ochotę - możesz wesprzeć naszą codzienną pracę.
Aby wspomóc nas jednorazową wpłatą, bez żadnych zobowiązań, kliknij przycisk lub zeskanuj kod QR.
